!- தமிழில் - தொழில்நுட்பம் -!

கோப்பு பகிர்தலை எளிமையாக்கும் டோரன்ட் நுட்பம்

2010-02-02T02:05:00.000-08:00

இணையத்தில் உலவுபவர்களுக்கு நல்ல பரிட்சயமான வார்த்தை 'டோரன்ட்'. பெரும்பாலான வீடியோ பகிர்ந்து கொள்ளும் தளங்களில் கோப்புகளை டோரன்ட் வடிவில் வழங்குவதை நீங்கள் கண்டிருக்கலாம். அந்த கோப்புகளை தரவிறக்கினால் அவை மிகச்சிறிய அளவிலேயே இருக்கும்.

அதனை திறக்கும் போது வீடியோ ஓட வில்லையே என்று பலர் திகைப்பதுண்டு. டோரன்ட் மூலம் வீடியோக்களை / பெரிய கோப்புகளை தரவிறக்குவது எப்படி? என்று இணைய புதியவர்கள் பின்னூட்டத்திலும், ஈமெயில் மூலமாகவும் நீண்ட நாட்களாகவே கேட்டு வருகிறார்கள். அதனைப் பற்றி மற்ற பதிவர்களின் சுட்டிகளுடன் இந்த இடுகையில் பார்ப்போம்.

டோரன்ட் என்பது உங்களிடம் உள்ள கோப்புகளை உன்லகெங்கும் மற்றவர்களிடையே பகிர்ந்து கொள்ளும் வசதி. சாதாரணமாக தளங்களில் இருந்து கோப்புகளை தரவிறக்கும் போது அந்த கோப்புகளை ஏற்தாவது ஒரு இணைய வழங்கியில் (Web Server) சேமித்து வைத்து இருப்பார்கள். அங்கிருந்து நீங்கள் அவற்றை பெறுவீர்கள்.

ஆனால் டோரன்ட்களில் உலகெங்கும் நீங்கள் தரவிறக்கும் கோப்புகளை கொண்டுள்ள கணினிகள் இணைய இணைப்பில் இருக்கும் போது இணைக்கப் பட்டிருக்கும். நீங்கள் மற்றவர் கணினியில் இருந்து அந்த கோப்பினை தரவிறக்கி கொண்டிருப்பீர்கள். உங்கள் கணினியில் உள்ள அந்த கோப்பின் பகுதிகள் மற்றவர்கள் தரவிறக்க உங்கள் கணினியில் இருந்து அனுப்பப் பட்டு கொண்டிருக்கும்.

இந்த அருமையான தொழிநுட்பம் மூலம் அதிக செலவு பிடிக்கும் இணைய வழங்கியின் தேவை இன்றி பயனர்களே தங்கள் கணினிகளை கோப்பினை மற்றவருக்கு பகிரும் வழங்கி ஆகவும், தரவிறக்கும் பயனராகவும் பயன்படுத்தி கொள்ள முடிகிறது.

டோரன்ட்களின் தொழில்நுட்பம் பற்றி அறிந்து இருந்தாலும் அதனை தமிழில் புரியும்படி விளக்குவது எனக்கு பெரிய சவாலாகவே இருந்தது. பதிவர் சுடுதண்ணி டோரன்ட் குறித்து எளிமையாக அனைவருக்கும் புரியும்படி மூன்று இடுகைகள் எழுதி உள்ளார். டோரன்ட் பற்றி தமிழில் இதை விட சிறப்பாக யாரும் எழுத முடியாது எனும் வண்ணம் அந்த இடுகைகள் உள்ளன. டோரன்ட் பற்றி புரிந்து கொள்ள அந்த இடுகைகளை கண்டிப்பாக படியுங்கள். இடுகை1, இடுகை2, இடுகை3.

படிச்சாச்சா? இந்த இடுகையில் பிரபலமான UTorrent செயலி பயன்படுத்தி டோரன்ட் மூலம் கோப்புகளை தரவிறக்குவது எப்படி? என்று பார்ப்போம். டோரன்ட் மூலம் தரவிறக்க பல்வேறு செயலிகள் உதவினாலும் மிகச் சிறப்பானதாக யுடோரன்ட் செயலி விளங்குகிறது.

இதனை யுடோரன்ட் தளத்திற்கு சென்று தரவிறக்கி உங்கள் கணினியில் நிறுவி கொள்ளுங்கள். நிறுவிய பின் யுடோர்ரன்ட் டாஸ்க் பாரில் வலது மூலையில் வால்யூம் கண்ட்ரோலுக்கு அருகில் அமர்ந்து இருக்கும். இனி டோரன்ட் தளங்களில் நீங்கள் தரவிறக்கும் டோரன்ட் கோப்புகள் (.torrent) யுடோரன்ட் மூலம் திறக்கப்பட்டு தரவிறக்கம் ஆரம்பமாகும். உங்கள் கணியில் ஏற்கனவே தரவிறங்கி உள்ள கோப்புகள் மற்றவர்களுக்கு அனுப்பப் பட்டு (Upload) கொண்டிருக்கும்.

முக்கியமாக உங்கள் தரவிறக்கம் முடிந்த பின்பும் உங்களிடம் தரவிரங்கிய கோப்புகள் மற்றவர்களுக்கு அனுப்பப் பட்டு கொண்டிருக்கும். உங்களிடம் Unlimitted Bandwidth இணைய இணைப்பு இருந்தால் பரவாயில்லை. Limitted Bandwidth இணைய இணைப்பு உள்ளவர்களாக இருந்தால் உங்களை அறியாமலேயே உங்கள் இன்டர்நெட் பில் எகிறி விடலாம். எனவே தரவிறக்கம் முடிந்தவுடன் உங்கள் யூடோர்றேன்ட் செயலியை நிறுத்தி விடுவது அல்லது மூடி விடுவது நல்லது.

ஏற்கனவே பல பதிவர்கள் இது குறித்து தமிழில் எழுதி உள்ளார்கள். அவற்றையும் படிக்கவும். உங்களுக்கு முழுமையான விளக்கம் கிடைக்கும்.

http://pkp.blogspot.com/2008/11/blog-post_11.html
http://velang.blogspot.com/2009/12/u-torrent.html
http://browseall.blogspot.com/2009/11/mininovademonoid.html
http://rvkrishnakumar.blogspot.com/2009/10/blog-post_07.html
http://sagacomputer.blogspot.com/2009/03/2008-torrent.html

தொடர்புடைய இடுகைகள்

எல்லாவிதமான வீடியோக்களையும் கணினியில் காண

2010-02-02T00:02:00.001-08:00

கால ஓட்டத்தில் புதிய கண்டுபிடிப்புகளாக Divx, FLV, MP4, MKV என்று வீடியோக்கள் புதிது புதிதாக வடிவங்களில் வருகின்றன. இணையத்தில் பெரும்பாலும் பகிரப்படும் வீடியோக்கள் இந்த வடிவங்களில்தான் வருகின்றன. தரவிறக்கி அவற்றை நீங்கள் பார்க்க முற்படும் போது Codec இல்லை என்ற பிழைச்சொல் வரும். சிலவற்றில் DVD வீடியோக்கள் ஓடாது.

இது போன்ற வீடியோக்கள் திறக்க உங்கள் கணினியில் அவற்றிற்கு ஏற்ற கோடக் (Codec) தேவைப்படும்.விண்டோஸ் இயங்குதளத்துடன் வருவது விண்டோஸ் மீடியா பிளேயர். நீங்கள் திறக்கும் வீடியோ கோப்புகள் இதில் தான் தெரியும். ஆனால் விண்டோஸ் மீடியா பிளேயர் எல்லா வீடியோ வடிவத்திற்கான கோடக்குகளுடன் வருவதில்லை.

அவற்றை இணையத்தில் தேடி உங்கள் கணினியில் நிறுவ வேண்டி வரும். சில சமயம் வேலை செய்யும். பல நேரம் காலை வாரும். பெரிய தலைவலி பிடித்த வேலை இது. புதிதாக கணினி வாங்கிய நண்பர்கள் / உறவினர்கள் அடிக்கடி என்னிடம் கொண்டு வரும் பிரச்சனை இது.

இந்த இம்சையில் இருந்து விடுபட ஒரே வழி விண்டோஸ் மீடியா ப்ளேயரை உபயோகிப்பதை நிறுத்தி விடுங்கள். எல்லா வீடியோ கோப்புகளையும் தடை இன்றி திறக்க ஒரு மென்பொருளை அறிமுகம் செய்கிறேன்.

VLC Media Player. கணினிக்கான மிகச்சிறந்த மீடியா பிளேயர் இது. இதற்கென நீங்கள் எந்த வீடியோ கோடக்குகளையும் தனியே நிறுவ வேண்டியதில்லை. எல்லாம் உள்ளடங்கியே வருகிறது. அடிக்கடி மேம்படுத்தப்பட்டு வருவதால் அனைத்து விதமான வீடியோவையும் திறக்கிறது.

இது முற்றிலும் இலவசம். தற்சமயம் ஒரு வினாடிக்கு பதினேழுக்கும் மேற்பட்டோர் இதனை தரவிறக்குவதாக அவர்கள் இணையதளத்தில் குறிப்பிட்டு உள்ளார்கள். இது விண்டோஸ், லினக்ஸ், மேக் ஓஎஸ் என்று பெரும்பாலான இயங்குதளங்களில் வேலை செய்யும். இந்த சுட்டிக்கு சென்று உங்கள் கணினி இயங்குதளத்திற்கு ஏற்ற விஎல்சி மீடியா ப்ளேயரை தரவிறக்கி உங்கள் கணினியில் நிறுவி கொள்ளுங்கள்.

இனி 'கணினியில் இந்த வீடியோ திறக்க மாட்டேன் என்கிறது' என்ற பிரச்னைக்கு முடிவு காட்டுங்கள். இணைய உலாவிகளில் பயர்பாக்ஸ் எப்படி இன்டர்நெட் எக்ஸ்ப்ளோரருக்கு மாற்றாக உள்ளதோ அது போல் விண்டோஸ் மீடியா ப்ளேருக்கு மிகச்சிறந்த மாற்று விஎல்சி மீடியா பிளேயர். இது ஒவ்வொருவர் கணினியிலும் காட்டாயம் இருக்க வேண்டிய மென்பொருள்.

விஎல்சி மீடியா பிளேயர் வீடியோ பார்ப்பதற்கு மட்டுமல்லாமல் வீடியோக்களை வெட்டுவது, இணைய ஒளிபரப்புகளை பார்க்க, வீடியோ கன்வெர்ட் செய்ய, உங்கள் வீடியோக்களை இணையத்தில் நேரடியாக ஒளிபரப்ப, உங்கள் கணினி ஸ்க்ரீன் காட்சிகளை பதிவு செய்ய என பல விதங்களில் பயன்படுகிறது. தற்சமயம் வீடியோ பார்ப்பதற்கு மட்டும் பயன்படுத்துங்கள். விஎல்சியின் சிறப்பு வசதிகளை விளக்கமாக தனித்தனி இடுகைகளாக அடிக்கடி எழுதுகிறேன்.

குறிப்பு : இது முதல் இன்னும் பத்து இடுகைகள் கணினிக்கும், இணையத்திற்கும் புதியவர்களுக்காக எழுதலாம் என்றுள்ளேன். இவை பற்றி தெரிந்தவர்கள் பொறுத்தருள்க!

தொடர்புடைய இடுகைகள்

செயலிகளில் எளிமையாக பிடிஎப் உருவாக்க

2010-01-30T09:58:00.000-08:00

ஆன்லைனில் இணையப் பக்கங்களை பிடிஎப் கோப்புகளாக மாற்றுவது பற்றி ஓர் இடுகை எழுதி இருந்தேன். அதே வேலையை செய்ய மேலும் சிறப்பு வாதிகளுடன் ஒரு மென்பொருள் உதவுகிறது. அதனை இந்த இடுகையில் காண்போம்.

இதனை உங்கள் கணினியில் பிரிண்டர் போன்று நிறுவி கொள்ள வேண்டும். பிரிண்ட் வசதி உள்ள அனைத்து செயலிகளிலும் பிடிஎப்பாக சேமித்து கொள்ளலாம். மைக்ரோசாப்ட் வோர்ட், நோட்பேட், பெயிண்ட் என்று எந்த மென்பொருளின் கோப்புகளையும் பிடிஎப்பாக சேமித்து கொள்ள முடியும்.

நீங்கள் உருவாக்குகிற பிடிஎப் கோப்புகளின் பின்னணியில் வாட்டர் மார்க்காக நீங்கள் விரும்பும் வார்த்தைகளை இணைத்துக் கொள்ள முடியும். இவற்றிற்கு பாஸ்வோர்ட் கொடுத்து பாதுகாத்து கொள்ளும் வசதியையும் இந்த மென்பொருள் தருகிறது.

பிடிஎப் மட்டுமல்ல. JPEG, PNG, EPS, BMP, TIFF, PS, PCX என்று எந்த வடிவிலும் கோப்புகளை சேமித்து கொள்ள முடியும். அதாவது நீங்கள் பார்த்து கொண்டிருக்கும் இணையப் பக்கத்தையோ, வோர்ட் கோப்பையோ படமாக JPEG வடிவில் கூட சேமித்து கொள்ளலாம்.

இந்த மென்பொருளின் பெயர் Bullzip PDF Printer. இலவசமாக கிடைக்கிறது. இதனை இந்த சுட்டிக்கு சென்று தரவிறக்கி உங்கள் கணினியில் நிறுவி கொள்ளுங்கள். உங்கள் பிரிண்டர் பகுதியில் Bullzip PDF Printer நிறுவப்பட்டு இருக்கும்.

இனி எந்த மென்பொருளிலும் பிரிண்ட் வசதி மூலம் உங்கள் கோப்புகளை பிடிஎப் வடிவிலோ அல்லது வேண்டிய பட வடிவிலோ சேமித்து கொள்ளலாம். File மெனுவில் Print கிளிக் செய்து கொள்ளுங்கள். வருகின்ற விண்டோவில் Bullzip PDF Printer ஐ தேர்ந்தெடுத்து கொள்ளுங்கள். இனி Print கிளிக் செய்து கொள்ளுங்கள்.

அடுத்து வரும் விண்டோவில் நீங்கள் வேண்டுமென்ற கோப்பு வடிவை தேர்ந்தெடுங்கள். இனி Save செய்தால் போதுமானது. நீங்கள் விரும்பிய கோப்பு கிடைத்து விடும்.

இது எளிமையான முறை. அந்த செயலியிலும் (Application) இருந்தும் பிடிஎப் கோப்பினை எளிதாக உருவாக்கி கொள்ளுங்கள். நமது இந்த பிளாக்கில் இடுகைக்கு கீழே உள்ள 'Print this post' கிளிக் செய்து பிரிண்டரில் Bullzip PDF Printer தேர்வு செய்து கொண்டு வேண்டுமென்ற இடுகைகளை சேமித்து கொள்ளுங்கள்.

தொடர்புடைய இடுகைகள்

விகடனுக்கு நன்றி + அச்சு ஆவணங்களில் இருந்து எழுத்துகளை பிரித்தெடுக்க

பவர்பாய்ன்ட் கோப்புகளை வீடியோவாக மாற்ற

2010-01-22T20:19:00.000-08:00

நம்மில் பலர் மைக்ரோசாப்ட்டின் ஆபீஸ் தொகுப்பில் உள்ள பவர்பாய்ன்ட் செயலியை பயன்படுத்தி வருவோம். எளிய முறையில் தகவல்களை தொகுத்து அனிமேஷன் வேலைகளுடன் வழங்க உதவும். இதன் பயன்பாடுகள் விரிவானவை.

இவ்வாறு பவர்பாய்ன்ட் மூலம் உருவாக்கிய கோப்புகளை மற்ற கணினிகளில் வேலை செய்ய வைக்க அந்த கணினிகளில் பவர்பாய்ன்ட் அல்லது பவர்பாய்ன்ட் வியுவர் தேவைப்படும். இவற்றை வீடியோ கோப்புகளாக மாற்றுவது பவர்பாயிண்ட்டில் இயலாத காரியம். வீடியோவாக மாற்றினால் கணினி, மொபைல் டிவிடி பிளேயர் என்று பயன்படுத்தி கொள்ளலாம்.

Leawo PowerPoint to Video Free. இந்த இலவச மென்பொருள் மூலம் மேற்சொன்ன வேலையை செய்ய வைக்க முடியும். பவர்பாய்ன்ட் கோப்புகளை ASF, WMV, 3PG, 3G2 வீடியோ கோப்புகளாக மாற்றிக் கொள்ளலாம். இந்த மென்பொருளை இந்த சுட்டியை கிளிக் செய்து தரவிறக்கி நிறுவி கொள்ளுங்கள்.

PPT, POT, PPTX, PPS என்று அனைத்து விதமான பவர்பாயிண்ட் கோப்புகளையும் ஆதரிக்கும். அனைத்து அனிமேஷன்களும் வேலை செய்யும். வீடியோவிற்கு இசையை தனி டிராக்காக சேர்த்து கொள்ளலாம். இவ்வாறு உருவாக்கப்பட்ட வீடியோக்களை யுடியுப் மாதிரியான தளங்களிலும் பகிர்ந்து கொள்ள முடியும்.

தொடர்புடைய இடுகைகள்

மடிக்கணினியில் தட்டச்சும் போது தொடுபலகையை முடக்க

2010-01-19T07:01:00.000-08:00

செல்லுமிடமெல்லாம் எளிதாக எடுத்து செல்லும்படி இருப்பதால் மடிக்கணினிகள் குறிப்பிட தகுந்த அளவு பயன்படுத்தப்பட்டு வருகிறது. ஆனால் மேஜை கணினிகள் அளவு உபயோகிப்பதற்கு எளிதாக இருக்கிறதா என்றால், என்னைப் பொறுத்தவரை 'இல்லை' என்பதே பதில்.

மேஜை கணினிகளில் கட கடவென தட்டச்சு செய்வது போன்று மடிக்கணினிகளில் என்னால் விரைவாக தட்டச்ச முடிவதில்லை. மேசைக் கணினிகள் எனக்கு அதிகம் பழக்கப்பட்டு விட்டதால் கூட இருக்கலாம். மடிக்கணினிகளில் தொடுபலகை (Touchpad) மௌஸ் அளவிற்கு எளிமையாக இல்லை.

பெரும்பாலானோர் ஒரு அசௌகரியத்தை மடிக்கணினிகளில் தட்டச்சும் போது அனுபவித்து இருக்க முடியும். தட்டச்சும் போது தவறுதலாக கை விரல்கள் தொடுபலகையில் பட்டு கர்சர் வேறு எங்கோ சென்று நின்று கொள்ளும். அதனை மீண்டும் இழுத்து வந்து, தட்டச்சு செய்ய வேண்டிய இடத்தில் விட்டு மீண்டும் தட்டச்ச வேண்டி இருக்கும்.

இதற்கு தீர்வாக ஒரு இலவச மென்பொருள் கிடைத்து உள்ளது. TouchFreeze. இது நீங்கள் தட்டச்சு செய்யும் போது உங்கள் மடிக்கணினியில் தொடுபலகையை முடிக்கி வைத்து விடும். உங்கள் விரல்கள் பட்டாலும் எந்த பாதிப்பும் இராது. நீங்க தட்டச்சுவதை நிறுத்தியதும் சில வினாடிகளில் தொடுபலகை மீண்டும் செயல்பட ஆரம்பிக்கும்.

இந்த இலவச மென்பொருளில் அளவு 251KB மட்டுமே. இதனை இந்த சுட்டிக்கு சென்று தரவிறக்கி நிறுவி கொள்ளுங்கள். இது சிஸ்டம் டிரேயில் அமர்ந்து கொண்டு வேலை செய்யும். இது அனைத்து விண்டோஸ் கணினிகளிலும் வேலை செய்யும்.

நீங்கள் லினக்ஸ் உபயோகிப்பாளராக இருந்தால் இதே வேலையை செய்ய மென்பொருளை இந்த சுட்டியில் சென்று தரவிறக்கி கொள்ளுங்கள்.

தொடர்புடைய இடுகைகள்

டிவைஸ் டிரைவர்களை புதுப்பிக்க டிவைஸ் டாக்டர்

2009-11-20T19:26:00.000-08:00

கணினியில் உள்ள வன்பொருட்கள் (Hardware) செம்மையாக வேலை செய்ய சரியான டிவைஸ் டிரைவர்கள் தேவை. டிவைஸ் டிரைவர்கள் பரியும் அவற்றை பேக்கப் எடுத்து வைத்து கொள்வது பற்றியும் ஏற்கனவே Device Driver களை பேக்கப் எடுத்து கொள்ள மென்பொருள் என்று ஒரு இடுகை எழுதி இருந்தேன்.

கணினி இயங்குதளங்கள் புதிதாக வர வர வன்பொருள் நிறுவனங்கள் அதற்கான டேவிஸ் டிரைவர்களை மேம்படுத்தி புதிதாக வெளியிட்டு கொண்டு இருக்கும். அவற்றை அடிக்கடி சோதித்து நமது கணினியில் நிறுவி கொள்ள வேண்டும். அப்போதுதான் நமது கணினி சிக்கலின்றி வேலை செய்யும்.

உங்கள் கணினியில் பல நிறுவனங்களின் வன்பொருட்கள் இருக்கும். அவை ஒவ்வொன்றாக பார்த்து அவற்றின் இணைய தளங்களுக்கு சென்று டிவைஸ் டிரைவர்களை கண்டுபிடித்து அவற்றை கணினியில் நிறுவுவது அதிக வேலை பிடிக்கும். இந்த வேலையை எளிதாக்க ஒரு மென்பொருள் உள்ளது.

டிரைவர் டாக்டர் என்பதுதான் அந்த மென்பொருளின் பெயர். அதனை வைத்து உங்கள் கணினியை ஸ்கேன்(Scan) செய்து கொண்டால், உங்கள் கணினியில் அப்டேட் செய்ய வேண்டிய டிவைஸ் டிரைவர்கள் பட்டியலை தரும். அதை தரவிறக்க தேவையான சுட்டிகளையும் தரும். அதன் மூலம் புதிய டிவைஸ் டிரைவர்களை தரவிறக்கி உங்கள் கணினியில் நிறுவி கொள்ளாம்.

இந்த இலவச மென்பொருளை இந்த சுட்டியை கிளிக் செய்வதன் மூலம் தரவிறக்கி உங்கள் கணினியில் நிறுவி கொள்ளுங்கள். இது விண்டோஸ் எக்ஸ்பி, விஸ்டா, விண்டோஸ் 7 போன்றவற்றில் நன்றாக வேலை செய்கிறது. இந்த மென்பொருளின் போர்டபிள் வடிவத்தை இங்கே சென்று தரவிறக்கி கொள்ளலாம்.

தொடர்புடைய இடுகைகள்

அர்மோர் ப்ரீமியம் பயர்வால் ஓராண்டுக்கு இலவசமாக

2009-11-20T02:24:00.000-08:00

பெரும்பாலானோர் AVG, Avira, Avast இலவச ஆண்டி வைரஸ் மென்பொருள்களையே உபயோகித்து வருவீர்கள். நன்றாக இயங்கினாலும் அவை இணையத்தில் உபயோகிக்கும் கணினிக்கு தேவையான பயர்வாலுடன் வருவதில்லை.

எனவே பெரும்பாலும் விண்டோஸ்சின் பயர்வாலைத்தான் உபயோகித்து வருவோம். இதன் மூலம் பாதுகாப்பு என்பது எப்போதும் கேள்விக்குறிதான். ஹேக்கர்கள் மற்றும் இணைய திருடர்களிடம் இருந்து நம் கணினியை பாதுகாத்து கொள்ள நல்ல பயர்வாலின் தேவை அதிகமாகிறது. Matousec Proactive Security Challenge ஜில் நம்பர் ஒன் பயர்வாலாக தேர்ந்தெடுக்கப்பட்ட ஆன்லைன் அர்மோர் ப்ரீமியம் பயர்வால் ஓராண்டுக்கு இலவசமாக கிடைக்கிறது.

இதன் விலை $29.85. இது சிப் இதழின் சலுகையாக ஓராண்டுக்கு இலவசமாக வழங்கப்படுகிறது. இந்த சலுகையை பெற இந்த சுட்டியை கிளிக் செய்யுங்கள். அது சலுகை பக்கத்திற்கு உங்களை இட்டு செல்லும்.

அங்கு உங்கள் பெயர், ஈமெயில் முகவரியை அளித்து பதிவு செய்து கொள்ளுங்கள். உங்கள் மெயிலுக்கு ஓராண்டுக்கான லைசன்ஸ் விவரங்கள் அனுப்பி வைக்கப்படும்.

அடுத்து இந்த மென்பொருளை இங்கு சென்று தரவிறக்கி கொள்ளுங்கள். அல்லது இந்த சுட்டியை கிளிக் செய்வதன் மூலம் நேரடியாக தரவிறக்கி நிறுவி கொள்ளுங்கள். உங்கள் இமெயிலில் வந்துள்ள லைசன்ஸ் விவரங்களை அளித்து பயர்வாலை ஆக்டிவேட் செய்து கொள்ளுங்கள்.

தொடர்புடைய இடுகைகள்

புகைப்படங்களை வீடியோவாக மாற்ற போட்டோ ஸ்டோரி

2009-11-18T20:26:00.001-08:00

உங்களிடம் புகைப்படங்கள் இருக்கும். அவற்றை தொகுத்து ஒன்றன் பின் ஒன்றாக உங்கள் கணினியில் பார்த்து கொள்ள முடியும். அவற்றை இனிய இசை அல்லது உங்கள் குரலுடன் தொகுத்து வீடியோ கோப்பாக மாற்றி உங்கள் கணினி, வீடியோ பிளேயர், மொபைல் போன்றவற்றில் காணும் வண்ணம் செய்வதற்கான ஒரு மென்பொருளை பார்ப்போம்.

மைக்ரோசாப்ட் போட்டோ ஸ்டோரி என்பதுதான் அந்த மென்பொருள். மைக்ரோசாப்ட் நிறுவனத்தால் இலவசமாக வழங்கப்படுகிறது.இதனை தரவிறக்க இங்கு செல்லுங்கள். இல்லையெனில் நேரடி தரவிறக்க சுட்டி இங்கே.

இதனை காப்பி செய்து உங்கள் இணைய உலாவியில் முகவரி பகுதியில் பேஸ்ட் செய்து கொள்ளுங்கள். தரவிறக்கம் துவங்கி விடும். MSI கோப்பாக வரும். 5MB அளவிலானது. நிறுவி கொள்ளுங்கள்.

இந்த மென்பொருள் மூலம் புகைப்படங்களை வரிசைபடுத்தி கொள்ளலாம். வரிசைப்படுத்திய படங்களின் பின்னணியில் வர்ணனையாக உங்கள் குரலை மைக் மூலம் ரெக்கார்ட் செய்து கொள்ளலாம். அல்லது இனிய பின்னணி இசை அல்லது பாடலை பின்னணியில் சேர்த்து கொள்ளலாம். உங்களிடம் உள்ள MP3 பாடல்களை கூட பின்னணி இசையாக சேர்த்து கொள்ளலாம்.

உருவாகும் வீடியோக்களுக்கு தலைப்புகள் (Titile) மற்றும் ஒவ்வொரு புகைப்படத்திற்கும் அடுத்து அழகிய எபக்ட்ஸ் கொடுத்து கொள்ளலாம். அழகான எழுத்துருக்களை(Fonts) தேர்ந்தெடுத்து கொள்ளலாம். யூனிகோட் எழுத்துருக்களை தரவிறக்க இந்த இடுகையை பார்க்கவும்.

இறுதியில் வரிசைப்படுத்திய புகைப்படங்களை வீடியோவாக WMV வடிவில் உங்கள் கணினியில் சேமித்து கொள்ளலாம்.

இவற்றை உங்கள் கணினி, வீடியோ பிளேயர், மொபைல் போன்றவற்றில் ஏற்றி பார்த்து கொள்ள முடியும். யூடியுப் போன்ற வீடியோ பகிரும் தளங்களிலும் ஏற்றி கொள்ளலாம்.

தொடர்புடைய இடுகைகள்

மென்பொருள்களை ஒட்டுமொத்தமாக ஒரே நேரத்தில் நிறுவ

2009-11-16T21:43:00.000-08:00

கணினியில் இயங்குதளம் செயலிழந்து போகும் போது மீண்டும் நிறுவ வேண்டி இருக்கும். நீங்கள் நிறுவி வைத்து இருந்த அனைத்து மென்பொருள்களையும் இழக்க வேண்டி வரும். இயங்குதளத்தை மீண்டும் நிறுவுவது கூட எளிதான வேலையாக இருக்கும். ஆனால் தேவையான மென்பொருள்களை பயர்பாக்ஸ், VLC, சாட்டிங் மென்பொருள் என்று மீண்டும் இணையத்தில் தேடி ஒவ்வொன்றாக தரவிறக்கி நிறுவது சலிப்படி தரக்கூடிய ஒன்று.

இந்த வேலையை சுலபமாக்க ஒரு மென்பொருள் உள்ளது. ஒட்டு மொத்தமாக எந்தெந்த மென்பொருள்களை நிறுவ வேண்டுமோ அவற்றை தேர்ந்தெடுத்து கொண்டு ஒட்டு மொத்தமாக கணினியில் நிறுவிடலாம்.

நீங்கள் இயங்குதளத்தை புதிதாக நிறுவிய பிறகு இந்த Ninite தளத்திற்கு செல்லுங்கள். அங்கு நாம் அடிக்கடி உபயோகிக்கும் பெரும்பாலான மென்பொருள்கள் பட்டியலிடப்பட்டு இருக்கும். உங்களுக்கு தேவையான மென்பொருள்களை தேர்ந்தெடுத்து கொள்ளுங்கள். அடுத்து கீழே உள்ள 'Get Installer' என்ற பட்டனை கிளிக் செய்து நீங்கள் தேர்ந்தெடுத்தவற்றை நிறுவும் மென்பொருளை தரவிறக்கி கொள்ளுங்கள்.

இப்போது அந்த மென்பொருளை இயக்கினால் நீங்கள் தேர்ந்தெடுத்த அனைத்து மென்பொருள்களும் தானாக தரவிறக்க பட்டு உங்களிடம் எவ்வித கேள்வியும் கேட்காமல் கணினியில் நிறுவப்பட்டு விடும்.

நிறைய வேலையும் மிச்சம். உங்கள் நேரமும் மிச்சம்.

கணினியில் தேவையற்ற மென்பொருள்களை நீக்க & போர்டபுள் மென்பொருள் அறிமுகம்

2009-11-11T01:05:00.000-08:00

கோடிக்கணக்கில் குவிந்துள்ள மென்பொருள் உலகின் நாம் தினமும் நிறையமென்பொருள்கள் பற்றி கேள்வி படுகிறோம். நம் தேவைக்கு ஏற்ப நமதுகணினியில் நிறுவியும் கொள்கிறோம். இந்த பிளாக்கில் கூட நான் இலவச மென்பொருள்களை அறிமுகப்படுத்தி வருகிறேன். பெரும்பாலும் அவற்றை உபயோகித்து பார்த்து இருப்பீர்கள்.

அவை அனைத்தும் உங்கள் கணினியில் குறிப்பிட தகுந்த இடம் பிடித்து கொண்டுஇருக்கும். சில மென்பொருள்களை சோதித்து பார்க்கும் வண்ணம் நிறுவி நீக்கமறந்து இருப்போம்.
ஸ்டார்ட் மெனுவை கிளிக் செய்தால் ஒரே மென்பொருள் குவியலாக இருக்கும். அவை அனைத்தையும் தினசரி உபயோக படுத்துகிறோமா என்றால் கிடையாது. தேவையில்லாத மென்பொருள்கள்தான் அதிகம் இருக்கும்.இவ்வாறு மென்பொருள்களை மேலும் மேலும் கணினியில் அடுக்குவதுகணினியின் செயல்திறனை நிச்சயம் பாதிக்கும். மெதுவாக இயங்கலாம்.

குறிப்பிட்ட கால இடைவெளியில் கணினியில் தேங்கியுள்ள தேவையற்ற மென்பொருள்களை நீக்குவது முக்கியம். Control Panel சென்று Add or Remove Programs மூலமாக ஒவ்வொரு மென்பொருளாக கண்டறிந்து நீக்கலாம். அப்படி நீக்கினாலும் தேவையற்ற கோப்புகள் கணினியிலே தங்கி விடும் வாய்ப்புகள் அதிகம். அதிக அளவில் மென்பொருள்களை கணினியில் அடுக்கும் போது உங்கள் கணினி திணற ஆரம்பிக்கும்.

எனவே உங்கள் கணினியில் அடிக்கடி உபயோகப்படுத்தும் மென்பொருள்கள் தவிர மற்றவற்றை நீக்கி விடுங்கள்.

இதற்கென்று ஒரு இலவச மென்பொருள் கிடக்கிறது. இதனை பயன்படுத்தி உங்கள் கணினியில் உள்ள தேவையற்ற மென்பொருள்களை மொத்தமாக தேர்ந்தெடுத்து நீக்கி விடலாம். இதன் இந்த லின்க்கில் சென்று தரவிறக்கி கொள்ளுங்கள். அதில் 'Batch Uninstall' என்பதை கிளிக் செய்து கொள்ளுங்கள். பின்பு தேவையற்ற மென்பொருள்களை தேர்ந்தெடுத்து கொண்டு Uninstall Checked Programs என்பதனை கிளிக் செய்து நீக்கி கொள்ளுங்கள். இது அந்த மென்பொருள்களை எவ்வித தடயமும் இன்றி நீக்கி விடும்.

நீங்கள் எப்போதாவது உபயோகிக்கும் மென்பொருள்கள் Portable மென்பொருளாக கிடைக்கிறதா என்று தேடுங்கள். போர்டபிள் மென்பொருள் என்றால் அந்த மென்பொருளை திறக்கும் போது உங்கள் கணினியில் எந்த கோப்புகளையும் நிறுவாது. உங்கள் ஹார்ட் டிஸ்க்கில் தேவை இன்றி அதிக இடத்தை அடைத்து கொள்ளாது. உங்கள் கணினியின் செயல்திறனை இது எந்த விதத்திலும் பாதிக்காது.

இவற்றை நீங்கள் USB Drive, IPOD, Portable Hard Drive உள்ளிட்ட எவற்றிலும் நிறுவி கொள்ளலாம். ஏன் உங்கள் மொபைலின் மெமரியில் நிறுவி வைத்து கொண்டு நீங்கள் செல்லும் இடங்களில் உபயோகித்து கொள்ளலாம். இவற்றை இயக்க நீங்கள் உபயோகப்படுத்தும் கணினிகளில் பிரத்தியேக கூடுதல் மென்பொருள்கள் தேவை இல்லை.

இவற்றின் கூடுதல் பயன்பாடுகளை கூறுகிறேன். பயர்பாக்ஸ், குரோம் போன்ற இணைய உலாவிகளை புக்மார்க்ஸ், சேமித்த பாஸ்வோர்ட் சேதாரம் இன்றி உங்களுடன் எங்கு வேண்டுமானாலும் எடுத்து சென்று எந்த கணினியில் வேண்டுமானாலும் அங்கே பிரத்தியேகமாக நிறுவாமல் உபயோகிக்க முடியும்.

ஓபன் ஆபீஸ் மென்பொருளையே உங்களுடன் கோப்புகளுடன் எடுத்து சென்று எந்த கணினியிலும் உபயோகப்படுத்த முடியும். இது போன்று பல வசதிகள் உண்டு. மேலும் இது குறித்து அறிய இங்கே செல்லவும்.

இந்த போர்டபிள் மென்பொருள்கள் இலவசமாகவே இந்த தளத்தில் http://portableapps.com/apps கிடைக்கிறது . பயர்பாக்ஸ், குரோம், ஓபன் ஆபீஸ், VLC Media Player முதல் மிகவும் உபயோகம் உள்ள மென்பொருள்கள் போர்டபிள் ஆக கிடைக்கின்றன. வேண்டுபவற்றை தரவிறக்கி நிறுவி கொள்ளுங்கள்.
அடிக்கடி நீங்கள் உபயோகிக்காத மென்பொருள்கள் போர்டபிள் ஆக கிடைத்தால் அவற்றையே உபயோகியுங்கள்.

மேலும் உபயோகப்படுத்தப்படாத கோப்புகளை Disk Max என்ற மென்பொருள் கொண்டு நீக்கலாம். இதுவும் இலவச மென்பொருள்தான். இதனை இங்கு சென்று தரவிறக்கி நிறுவிக்கொள்ளுங்கள். இது உங்கள் கணினியில் தேவை இன்றி குப்பையாக இருக்கும் கோப்புகளை கண்டறிந்து நீக்கும். மற்றும் உங்கள் கணினியின் செயல்திறனை மேம்படுத்தும்.

ஹார்ட்டிஸ்க் இட பற்றாகுறை - பெரிய கோப்புகளை கண்டறிய

2009-06-25T01:23:00.000-07:00

கணினி வாங்கும் பொழுது நீங்கள் போதுமான கொள்ளளவு கொண்ட ஹார்ட்டிஸ்க் வாங்கி இருப்போம். பெரும்பாலானோர் வீடியோ , மென்பொருள்களை தரவிறக்கி உபயோகித்து விட்டு அவற்றை அளிக்க மறந்து இருப்போம். நாளடைவில் பாடல்கள், வீடியோ கோப்புகள், மென்பொருள்கள் என்று பெரிய கோப்புகளால் ஹார்ட்டிஸ்க் நிரம்பி வழிய ஆரம்பித்து விடும்.

அதிக இடம் எடுத்து கொண்டுள்ள கோப்புகள் எங்கு சேமித்து வைத்தோம் என்று மறந்து இருப்போம். அந்நேரங்களில் உங்கள் கணினியும் வேலை செய்ய திணறும். "Low Disk Space" என்று எச்சரிக்கை செய்தி தரும்.

இத்தருணங்களில் கணினியில் தேங்கி உள்ள கோப்புகளை தேடி கண்டுபிடித்து அளிக்க வேண்டும்.ஹார்ட்டிஸ்கில் எங்கு பெரிய அளவு கொண்ட கோப்புகள் இருக்கின்றன என்பதை கண்டறிவது கடினமான விஷயம். இந்த பெரிய கோப்புகளை அழித்தாலே பெரும்பாலான இடத்தை காலியாக வைத்து கொள்ளலாம்.

இதனை செய்ய Primitive File Size Chart என்ற இலவச மென்பொருள் உதவுகிறது. இதனை இந்த லின்க்கில் சென்று தரவிறக்கி கொள்ளுங்கள். இதனை இன்ஸ்டால் செய்ய தேவை இல்லை. தரவிறக்கிய கோப்பை திறந்தாலே போதுமானது.

இது விண்டோஸ் 2000/2003/XP/Vista/7 இயங்குதளங்களில் இயங்கும். இதன் மூலம் நீங்கள் பெரிய கோப்புகளை , அவை உள்ள போல்டர்களை கண்டறியலாம். பின்பு அந்த போல்டர்களுக்கு சென்று அந்த கோப்புகளை அழித்து கணினியின் ஹார்ட்டிஸ்க் இடத்தை மிச்சப்படுத்தி கொள்ளுங்கள்.

மொத்தமாக கோப்புகளின் எக்ஸ்டன்சனை மாற்ற

2009-06-23T05:11:00.000-07:00

பின்னூட்டம் ஒன்றில் blug Sys என்ற நண்பர் தனக்கு நேர்ந்த பிரச்சினைக்கு தீர்வு கேட்டு இருந்தார். அவரது கேள்வி இதுதான்

"புது வகையான வைரசால் தனது கணினியில் இருந்த MP3 பாடல் கோப்புகள் எக்ஸ்டென்சன் .mp3 ல் இருந்து .jpg யாக ( analmele.mp3 = analmele.jpg ) மாறி விட்டன. அவற்றை திரும்ப .mp3 யாக மாற்றினால் வேலை செய்கிறது. ஒவ்வொரு கோப்பாக மற்ற வேண்டி உள்ளது. என்னிடம் மொத்தம் 20000 கோப்புகள் உள்ளன. அவற்றை மொத்தமாக எளிதாக jpg இலிருந்து mp3 யாக மற்ற முடியுமா?"

இத்தனை செய்ய பல வழிமுறைகள் உள்ளன. Dos கட்டளைகள் தெரிந்தால் எளிமையான விசயம்தான். படிப்படியாக விளக்குகிறேன்.

1. Start கிளிக் செய்து Run செல்லுங்கள் . அங்கு cmd என்று கொடுத்து OK கொடுங்கள்.

2. command விண்டோ திறக்கும். அங்கே உங்கள் கோப்புகள் எந்த போல்டரில் உள்ளதோ அங்கு மாறி கொள்ள வேண்டும். அதற்கு cd FOLDER PATH கொடுக்க வேண்டும். உதா. cd d:\ayan என்டெர் தட்டவும். D: என்று கொடுத்தால் அந்த போல்டருக்கு மாறி இருப்பீர்கள்.

நீங்கள் விஸ்டா உபயோகிப்பாளராக இருந்தால் கோப்புகள் உள்ள போல்டரில் Shift + Right Click செய்து Open command window here என்பதனை தேர்வு செய்து கொள்ளவும்.

3. அடுத்து rename கட்டளை மூலம் உங்கள் கோப்புகளின் எக்ஸ்டன்சனை மாற்றி கொள்ளலாம். உதா. ren *.jpg *.mp3 என்டர் தட்டவும். இதன் மூலம் jpg எக்ஸ்டன்சன் உள்ள அனைத்து கோப்புகளும் mp3 எக்ஸ்டன்சனுக்கு மாறி இருக்கும்.

DOS கட்டளைகளில் வேலை பார்ப்பது கடினமாக இருப்பதாக நீங்கள் கருதினால், Extension Renamer என்ற மென்பொருள் மூலம் செய்து கொள்ள முடியும். அந்த இலவச மென்பொருளை இங்கே கிளிக் செய்து தரவிறக்கி உங்கள் கணினியில் நிறுவி கொள்ளுங்கள்.

Select Directory மூலமாக கோப்புகள் உள்ள போல்டரை தேர்வு செய்து கொள்ளுங்கள். sub directory ல் உள்ள கோப்புகளையும் மாற்ற விரும்பினால் அந்த ஆப்சனை டிக் செய்து கொள்ளுங்கள். From என்பதில் *.jpg, To என்பதில் *.mp3 என்று கொடுத்து விட்டு "Go" கிளிக் செய்து கொள்ளுங்கள். அவ்வளவுதான் உங்கள் அனைத்து கோப்புகளும் எளிதில் எக்ஸ்டென்சன் மாற்ற பட்டு விடும்.

நல்ல ஆண்டி வைரஸ் போட்டு உங்கள் கணினியை பாதுகாத்திடுங்கள்.

ஹார்ட் டிஸ்க் பார்டிசன்களை எளிமையாக நிர்வகிக்க

2009-06-14T04:44:00.000-07:00

முதலில் பார்டிசன் என்றால் என்ன என்பதை பார்ப்போம். கணினியில் உள்ள ஹார்ட்டிஸ்க் பெரிய கொள்ளளவில் வரும் போது அதனை நம் வசதிக்கேற்ப வெவ்வேறு அளவுகளில் பல பகுதிகளாக பிரித்து கொள்ளலாம். அதுதான் பாடிசன் எனப்படுகிறது. புரியும் படி சொல்ல வேண்டுமெனில் கணினியில் ஹார்ட்டிஸ்க் 80GB அளவுள்ளதாக கொள்வோம். அதனை நம் பயன்பாட்டுக்கு C: - 20GB , D: - 30GB , E: - 30GB என்று வேண்டிய அளவுகளில் பிரித்து கொள்ளலாம். உபயோகிக்கும் போது C: - இயங்குதளம் , D: - மென்பொருள்கள் , E: - பாடல்கள் , வீடியோ என்று சேமித்து விருப்பப்படி உபயோகித்து கொள்ளலாம்.

பெரும்பாலும் இவை நீங்கள் கணினி வாங்கும் போதே செய்யப்பட்டு வந்து விடும். இதில் எனக்கு ஒரு பிரச்சினை தோன்றியது. C: -ல் 20GB மட்டும் இருந்ததால் நிறுவும் மென்பொருள்களால் நிறைந்து நாளடைவில் Disk is full என்று வந்து விட்டது. D: -ல் அதிகமான இடம் இருந்தாலும் அதனை C: -க்கு நகர்த்துவது கடினமான காரியம்.

இது போன்ற தருணங்களில் முன்பு FDISK எனும் DOS டூலை உபயோகித்து வந்தேன். மொத்த ஹார்ட்டிஸ்க்கையும் திரும்ப பிரித்து C: அதிகமாகவும் D: , E: அளவு குறைவாகவும் நிறுவ வேண்டி இருந்தது. இந்த டூலை உபயோகிக்கும் போது ஹார்ட்டிஸ்க்கில் இருந்த அனைத்து தகவல்களும் அழிந்து விடும். மீண்டும் format செய்து புதியது போல் இயங்குதளம் நிறுவி உபயோக படுத்த வேண்டி இருக்கும். :(

ஆனால் Easeus Partition Master மென்பொருளை அறிந்து கொண்ட பிறகு இந்த வேலை மிக எளிதாயிற்று. இதன் மூலம் எளிய வழி முறைகள் மூலம் பார்டிசன் அளவுகளை கூட்டலாம் / குறைக்கலாம். பார்டிசன்களை அப்படியே காப்பி செய்து கொள்ளலாம். புதிய பாடிசன்களை உருவாக்கலாம். பார்டிசன்களை நீக்கலாம். ஏற்கனவே உள்ள பார்டிசன்களை இரண்டாக பிரிக்கலாம். மேலும் பல வசதிகள் உள்ளன. பார்டிசன்களை Format செய்து கொள்ளலாம்.

இவை அனைத்தையும் உங்கள் ஹார்ட்டிஸ்கில் எவ்வித தகவல் இழப்பும் (Data Loss) இன்றி செய்ய முடியும். இந்த மென்பொருள் இல்ல பயனர்களுக்கு (Home Use) முற்றிலும் இலவசம். இதனை இந்த லின்க்கில் சென்று தரவிறக்கி நிறுவி கொள்ளுங்கள். இது விண்டோஸ் எக்ஸ்பி, விண்டோஸ் 2000, விண்டோஸ் விஸ்டா, விண்டோஸ் 7 இயங்குதளங்களில் இயங்கும்.

மேலும் ஸ்க்ரீன்ஷாட்கள் .இத்தனை உபயோகித்து உங்கள் ஹார்ட்டிஸ்க் பார்டிசன்களில் தேவைக்கு ஏற்ப மாற்றங்கள் செய்து கொள்ளுங்கள். மாற்றங்கள் செய்த பின்பு மாற்றங்கள் சேமிக்கப்பட்டு உங்கள் கணினியை மீண்டும் துவக்க (Restart) சொல்லும். கணினி மீண்டும் துவங்க ஆரம்பிக்கும் போது நீங்கள் செய்த மாற்றங்கள் செயல்படுத்த படும்.

முக்கிய குறிப்பு : சோதித்து பார்க்கும் போது உங்கள் கணினியில் ஏதேனும் முக்கிய கோப்புகள் / தகவல்கள் இருந்தால் அவற்றை USB டிரைவிலோ, DVD யிலோ Backup எடுத்து கொள்ளவும். நீங்கள் தெரியாமல் ஏதேனும் தவறுகள் செய்ததால் தகவல்களை இழக்க நேரிடலாம்.

தரவிறக்கங்களை நிர்வகிக்க இலவச மென்பொருள்

2009-06-13T23:33:00.000-07:00

பின்னூட்டத்தில் கணேஷ்பாபு குறைந்த வேகம் கொண்ட இணைய இணைப்புகளில் கோப்புகளை தடையின்றி தரவிறக்குவதற்கு மென்பொருள் சொல்லுங்கள் என்று கேள்வி எழுப்பி இருந்தார். பெரும்பாலானோருக்கு இது போன்ற மென்பொருள்கள் தெரிந்திருக்க வாய்ப்புண்டு. இணையத்தில் புதிதாக நுழைபவர்களுக்காக இதை எழுதுகிறேன்.

இணையம், தகவல் தளங்களை பார்ப்பதற்கு மட்டுமன்றி அங்கு சேமித்து வைக்கப்பட்டுள்ள மென்பொருள், பாடல், வீடியோ என்று அனைத்துவிதமான கோப்புகளையும் தரவிறக்க பெரிதும் உபயோகப்படுத்த படுகிறது.இணையத்தில் கோப்புகளை தரவிரக்குவோர் பொதுவாக எதிர் கொள்ளும் பிரச்சினைகள் பற்றி பார்ப்போம்.

கோப்புகளை தரவிறக்கி கொண்டு இருக்கும் போது மின்சாரம் போய் விட்டாலோ / இணைய இணைப்பு தடை பட்டாலோ மீண்டும் முதலில் இருந்து அந்த கோப்பை தரவிறக்க வேண்டும். விடுபட்ட இடத்தில் இருந்து தொடர முடியாது.

வேகம் குறைந்த இணைய இணைப்புகளில் தரவிரக்கத்தில் முழு வேகம் இருக்காது. வேகத்தை முடுக்க வேண்டியது அவசியம்.

பெரிய கோப்புகளை தரவிறக்கும் போது அவற்றை தொடர்ச்சியாக பல மணி நேரங்கள் தரவிறக்குவதற்கு பதிலாக அதனை நிறுத்தி (Pause) வைத்து பின்பு நமக்கு வசதிப்படும் நேரத்தில் தொடருவது (Resume) இயலாது.

கோப்புகளை தரவிரக்குவதில் டோர்ரன்ட் (Torrent) என்று ஒரு முறை உண்டு. அதற்கென்று தனி மென்பொருளை உன்பயோகிக்காமல் எல்லா வித தரவிறக்கங்களை ஒரே மென்பொருளில் நிர்வகிக்க முடிந்தால் நல்லது.

போன்ற வீடியோ தளங்கள் பெருகி உள்ள நிலையில் அவற்றில் உள்ள வீடியோ க்களை தரவிறக்க அந்த தளங்கள் வசதி தருவதில்லை. வேகம் குறைந்த இணைய இணைப்புகளில் வீடியோக்களை அந்த தளங்களில் காண்பதை விட தரவிறக்கி கணினியில் பார்ப்பது எளிதாக இருக்கும்.

வீடியோக்கள், திரைப்படங்களை தரவிறக்கும் போது அவை முழுவதுமாக தரவிறக்கிய பின்பே பொறுத்திருந்து பார்க்க வேண்டி இருக்கும். அதற்க்கு பதிலாக வீடியோ தரவிறக்கி கொண்டிருக்கும் போதே அதனை பார்க்க முடிந்தால் நேரம் மிச்சம்.

எண்ணிக்கையில் அதிகமான கோப்புகளை தரவிறக்கும் போது அவை எந்தெந்த நேரத்தில் தரவிறக்க வேண்டும் என்று கால அட்டவணை அமைத்து மேலாண்மை செய்யும் வசதி இருந்தால் நன்றாக இருக்கும்.

சுருக்கப்பட்ட ZIP கோப்புகளை சில தளங்கள் வழங்குவார்கள். முழுதும்
தரவிறக்கிய பின்பே அதனுள் என்னென்ன கோப்புகள் உள்ளன என்று அறிய முடியும். மாறாக தரவிறக்க ஆரம்பத்திலேயே அந்த ZIP கோப்பின் உள்ளே என்னென்ன கோப்புகள் உள்ளடங்கி உள்ளன என்பதை அறிந்தால், தேவை இல்லாத கோப்புகளை தரவிறக்குவதை தவிர்க்கலாம்.

இணையத்தில் தளங்களை பார்த்து கொண்டிருக்கும் போது ஏதேனும் தரவிறக்கி கொண்டு இருந்தால் இணைய தளங்களை பார்ப்பது மிகவும் மெதுவாக இருக்கும். காரணம் கோப்பு தரவிறக்கம் அதிக வேகத்தை எடுத்து கொள்ளுவது தான். இணைய பக்கங்களை பார்க்கும் போது அதற்கு முன்னுரிமை கொடுத்து தரவிறக்க வேகத்தை குறைத்து வைக்கும் வசதி இருந்தால் நல்லது.

நம்மிடம் உள்ள ஒரு கோப்பை மற்றொருவருடன் இணையத்தில் பகிர விரும்பினால் சுத்தி வளைக்காமல் எளிதில் தரவேற்றி (Upload) செய்து அடுத்தவருடன் பகிரும் வசதி.

மேலே கூறி உள்ள சிக்கல்களை சிலவற்றை தீர்க்க தனித்தனி மென்பொருள்கள் இருந்தாலும் பணம் கொடுத்து வாங்க வேண்டி உள்ளது. இலவசமாக இருந்தால் ரொம்ப நல்லா இருக்கும்.

ஆமாங்க! மேலே கூறியுள்ள எல்லா பிரச்சினைகளையும் தீர்க்க வல்ல சிறப்பான மென்பொருள் முற்றிலும் இலவசமாக கிடைக்கிறது.

இலவச டவுன்லோட் மேனேஜர் (Free Download Manager)

தரவிறக்கம் தொடர்பாக வணிக ரீதியில் விற்கப்படும் பிற மென்பொருள்களை விட இந்த இலவச மென்பொருள் மிக நன்றாக உள்ளது. இந்த பக்கத்திற்கு சென்று தரவிறக்கி கொள்ளுங்கள்.

பல நிறுவனங்களின் விருதுகளை பெற்றுள்ளது. இன்டர்நெட் எக்ஸ்ப்ளோரர், பயர்பாக்ஸ் உள்ளிட்ட இணைய உலாவிகளில் ஒருங்கிணைந்து செயல்படும்படி இந்த மென்பொருள் அமைக்கப்பட்டுள்ளது. தரவிறக்க பிரச்சினைகளை தீர்க்க/ தரவிறக்கத்தை மேம்படுத்த வல்ல மென்பொருள். நிச்சயம் உபயோகமாய் இருக்கும்.

கோப்பு = File , தரவிறக்கம் = Download

கணக்குகளை எளிதாக்கும் Command Line Calculator

2009-06-06T00:48:00.000-07:00

நான் கணிதத்தில் பெரிய அறிவு பெற்றவன் இல்லை. நாள்தொறும் கணக்குகளை உபயோகபடுத்தும் பொறியாளரும் அல்ல. பள்ளி நாட்களில் Sin, Cos, Vector, Calculus போன்றவை பெயரளவில் நியாபகம் இருக்கிறது.

விண்டோஸ் கணினியில் வரும் கால்குலேட்டர் கூட்டல், கழித்தல் , பெருக்கல் மற்றும் வகுத்தல் முதலான அடிப்படை கணித தேவைகளை நிறைவேற்றுவதாக இருக்கும். கணித துறையில் ஆர்வம் உள்ளவர்களும், மாணவர்களும் தனது மேம்பட்ட கணித தேவைக்காக உபயோகிக்க ஏதுவான ஒரு கால்குலேட்டர் மென்பொருளை இணையத்தில் கண்டேன். கணித தேவைகளை எளிதில் நிறைவேற்றும் வண்ணம் அந்த மென்பொருள் அமைந்து உள்ளது.

அந்த மென்பொருளின் பெயர் Command Line Calculator . அதனை இங்கு சென்று தரவிறக்கி நிறுவி கொள்ளுங்கள். இதில் மற்ற கால்குலேட்டர்களில் உள்ளது போன்று பட்டன்கள் இல்லை. ஒவ்வொரு கணக்கையும் உங்கள் கீபோர்டு மூலம் கொடுக்க வேண்டும். Enter தட்டினால் விடை கிடைக்கிறது.

கணித துறையில் ஆழ்ந்த அறிவு இல்லாததால் அதன் உபயோகங்கள் என்ன என்பதை தெளிவாக கூற இயல வில்லை. மேலும் விபரங்களையும் அதன் பயன்பாடுகளையும் இங்கு சென்று பார்த்து அறிந்து கொள்ளுங்கள்.

கணினியில் USB Drive களை முடக்குவது எப்படி?

2009-06-04T11:30:00.000-07:00

கணினியில் USB Drive களை முடக்க வேண்டிய நிர்பந்தம் எப்போது ஏற்படும் என்பதனை பார்ப்போம். கணினியில் வைரஸ் நுழைவதற்கான நுழைவாயில் பெரும்பாலும் USB Drive கள் தான். ஒன்றிற்கு மேற்பட்டோர் கணினியை உபயோகிக்கும் போது அனைவரும் USB Drive களை பயன்படுத்துவது தவிர்க்க இயலாதது.இல்லத்திலோ, அலுவலகங்களிலோ , ப்ரொவ்சிங் சென்டெர் போன்ற இடங்களிலோ கணினி பற்றி அதிகம் அறியாதோர் தவறுதலாக வைரஸ் உள்ள USB Device மூலம் கணினிக்குள் வைரஸ் புகுத்தி விட வாய்ப்பு உண்டு.

நம்முடைய கணினியில் உள்ள விவரங்களை நாம் கணினியில் இல்லாத நேரம் பிறர் சில நிமிடங்களில் USB காப்பி செய்து எடுத்து விடும் அபாயமும் உண்டு. இது போன்ற தருணங்களில் கணினியில் உள்ள USB Drive களை முடக்கி (Disable) செய்து வைக்க வேண்டிய கட்டாயம் வரும்.

கணினியின் BIOS Settings சென்று USB Port Disable செய்யலாம். ஆனால் அது நாம் USB Mouse, USB Keyboard, USB Printer போன்றவற்றை உபயோகித்தால் அவற்றையும் முடக்கி விடும்.USB Storage Device களை மட்டும் முடக்க வேண்டும். இதனை மூன்று வழிமுறைகளில் செய்யலாம்.

Start பட்டனை கிளிக் செய்து Run கிளிக் செய்யுங்கள். அதில் regedit என்று கொடுத்து எனத் தட்டுங்கள். Start --> Run --> regedit . ரெஜிஸ்டரி எடிட்டர் தோன்றும். அதில் HKEY_LOCAL_MACHINE --> SYSTEM --> CurrentControlSet --> Services --> UsbStor செல்லுங்கள். வலது புறம் வரும் ஆப்சன்களில் "Start" என்பதனை டபுள் கிளிக் செய்யுங்கள்.

தோன்றும் விண்டோவில் "Value Data" என்பதில்
நீங்கள் USB Storage Drive களை Disable செய்ய விரும்பினால் "4" என்று கொடுக்கவும். USB Storage Drive களை Enable செய்ய விரும்பினால் "3" என்று கொடுக்கவும்.

ரெஜிஸ்டரி எடிட்டரை மூடி விட்டு கணினியை Reboot செய்யவும். உங்கள் தேர்வின்படி USB Storage Drive enable/disable ஆகும்.

இந்த முறை உங்களுக்கு கடினமானதாக தோன்றினால் ஒரு எளிய முறையை பார்ப்போம். கீழ்காணும் இரண்டு கோப்புகளையும் தரவிறக்கி கொள்ளுங்கள்.

USB Storage Drive களை Enable செய்ய - EnableUSBDrive.reg
USB Storage Drive களை Disable செய்ய - DisableUSBDrive.reg

உங்கள் தேவைக்கான கோப்பை ஓபன் செய்தால் USB Enable / Disable ஆகும்.

மற்றுமொரு வழிமுறையும் உண்டு. ஒரு இலவச மென்பொருள் மூலம் இதனை செய்யலாம். இந்த மென்பொருளை இங்கே கிளிக் செய்து பெற்று உங்கள் கணினியில் நிறுவி கொள்ளுங்கள்.

வேண்டுமென்ற ஆப்சனை தேர்வு செய்து உங்கள் தேவையை நிறைவேற்றி கொள்ளுங்கள். மேற்சொன்ன முறைகள் விண்டோஸ் எக்ஸ்பி, விண்டோஸ் 2000, விண்டோஸ் 2003, விண்டோஸ் விஸ்டா , விண்டோஸ் 28, விண்டோஸ் 7 உள்ளிட்ட விண்டோஸ் இயங்குதளங்களில் வேலை செய்யும்.

விகடனுக்கு நன்றி + அச்சு ஆவணங்களில் இருந்து எழுத்துகளை பிரித்தெடுக்க

2009-06-04T03:03:00.000-07:00

கல்லூரி இறுதி ஆண்டுகளில் ப்ராஜெக்ட் செய்யும் போது பெரும்பாலானோர் ப்ராஜெக்ட் அறிக்கை ( Project Report) முந்தய வருட மாணவர்களின் அறிக்கையை வாங்கி நமக்கு ஏற்றவாறு காப்பி செய்து உபயோகித்து இருப்போம். முந்தய ஆண்டு மாணவர் Word Document (.DOC) ஆக கொடுத்து இருந்தால் சிக்கல் இல்லை. வேண்டுபவற்றை காப்பி பேஸ்ட் செய்து கொள்ளலாம். சிலர் பழைய ப்ராஜெக்ட் புத்தகத்தை தூக்கி கொடுப்பர். அனைத்தையும் டைப் செய்து முடிப்பதற்குள் ஒரு வழியாகி விடும்.

சில ஸ்கேன் செய்யப்பட்ட கோப்புகள் பட வடிவில் இருக்கும். அவற்றில் உள்ள எழுத்துக்களை, வாக்கியங்கள் நமக்கு சில இடங்களில் உபயோகிக்க தேவைப்படும். அந்நேரத்தில் அவற்றில் டைப் செய்ய வேண்டி இருக்கும். அதே போல் நாளிதழ்கள், பத்திரிக்கைகளில் மற்றும் அச்சு புத்தகங்களில் உள்ள எழுத்துகளை இணையத்தில் ஏற்ற விரும்பினால் அவை முழுவதையும் டைப் செய்ய வேண்டி இருக்கும். அதே போல் பல எழுத்து படைப்புகள் இணையத்தில் பட வடிவில் கிடைக்கும். அதில் உள்ள எழுத்துகளை காப்பி செய்யவோ, எடிட் செய்யவோ நம்மால் முடியாது.

இது போன்ற சந்தர்ப்பங்களில் நமக்கு உதவ TopOCR என்ற இலவச மென்பொருள் இருக்கிறது. இந்த லின்க்கில் சென்று இந்த மென்பொருளை தரவிறக்கி கணினியில் நிறுவி கொள்ளவும்.

நம்மிடம் டிஜிட்டல் கேமரா அல்லது ஸ்கானர் இருந்தால் போதும். நமக்கு தேவையான அச்சு வடிவத்தை (ப்ராஜெக்ட் ரிப்போர்ட் / அச்சு புத்தக பக்கம்) டிஜிட்டல் கேமரா மூலம் புகைப்படம் எடுத்தோ அல்லது ஸ்கானர் மூலம் ஸ்கேன் செய்தோ பட வடிவமாக (JPG) சேமித்து கொள்ளுங்கள்.

TopOCR மென்பொருளை ஓபன் செய்து கொள்ளுங்கள். File ---> Open மூலம் நீங்கள் சேமித்து வைத்துள்ள பட வடிவ (JPG) திறங்கள் . வலது புற விண்டோவில் நீங்கள் ஸ்கேன் செய்து வைத்துள்ள படத்தில் உள்ள எழுத்துக்கள் நீங்கள் எடிட் செய்வதற்கு ஏற்றவாறு மாற்றப்பட்டு கிடைக்கும். அவற்றை நீங்கள் காப்பி செய்து Word போன்றவற்றில் உபயோகித்து கொள்ளலாம்.

பழைய புத்தகங்களையோ, அச்சு வடிவங்களையோ கணினிக்கு ஏற்ற எடிட் செய்ய கூடிய எழுத்து வடிவமாக மாற்றுவதில் இந்த மென்பொருள் மிக உபயோகமாக இருக்கும். முழுமையாக டைப் செய்யும் கால விரயத்தை மிச்சம் செய்யும்.

இது ஆங்கில பக்கங்களில் மட்டுமே வேலை செய்கிறது. தமிழில் இது போன்று பொன்விழி என்ற மென்பொருள் இருப்பதாக நண்பர் ஒருவர் பின்னூட்டத்தில் தெரிவித்து உள்ளார். அந்த மென்பொருளுக்கான விபரங்கள் , தரவிறக்கம்செய்வதற்கான லிங்க் இதோ .

டிஜிட்டல் காமெராவை ஸ்கேன்னராக பயன்படுத்துவது எப்படி?

உங்களிடம் ஸ்கேன்ன்னர் இல்லை. ஒரு ஆவணத்தை(Document) ஸ்கேன் செய்ய வேண்டும். உங்களிடம் டிஜிட்டல் கேமரா / நல்ல மொபைல் போன் கேமரா இருக்கிறதா? கவலையை விடுங்கள். நீங்கள் ஸ்கேன் செய்ய வேண்டிய ஆவணத்தை புகைப்படம் எடுத்து கொள்ளுங்கள். Snapter என்ற மென்பொருள் மூலம் ஸ்கேன் காப்பி நீங்கள் பெற்று கொள்ள முடியும்.

இந்த மென்பொருளை இந்த லின்க்கில் சென்று தரவிறக்கி நிறுவி கொள்ளுங்கள். இது பற்றி மேலும் விபரங்களை இங்கே பாருங்கள்.

ஆமாங்க! 10.06.09 தேதியிட்ட ஆனந்த விகடன் இதழில் விகடன் வரவேற்பறை பக்கத்தில் என்னுடைய பிளாக் tvs50.blogspot.com க்கு அங்கீகாரம் கொடுத்து இருக்காங்க. தமிழில் பெயர் பெற்ற முன்னணி இதழில் என் பிளாக்கை பார்த்ததில் மட்டற்ற மகிழ்ச்சி. கொஞ்சமும் எதிர் பார்க்கல. விகடனுக்கு மிக்க நன்றி. என் பிளாக்கையும் வந்து படித்து இதை தேர்ந்தெடுத்து வெளியிட்டு இருக்கும் விகடனில் பணி புரியும் விகடன் குழுவினருக்கு கோடி நன்றி. ஆனந்த விகடன் மூலம் வந்து இடுகைகளில் ஆங்காங்கே வாழ்த்தி பின்னூட்டம் இட்டு கொண்டு இருக்கும் அனைவருக்கும் நன்றி.

வாசித்து, Subscribe செய்து , பின்னூட்டம் இட்டு ஊக்கப்படுத்தி உற்சாகமூட்டும் அனைத்து நண்பர்களுக்கும் உளமார்ந்த நன்றிகள். அனைத்து திரட்டிகளுக்கும் அங்கு பார்வையிட்டு , ஓட்டளித்து தட்டி கொடுக்கும் அனைத்து உள்ளங்களுக்கும் நன்றி.

அப்புறம் இந்த இடுகையோட நான் 50* நாட் அவுட் ...

விண்டோஸ் 7 ஐ துரிதப்படுத்த இலவச மென்பொருள்

2009-05-31T07:48:00.000-07:00

விண்டோஸ் 7 RC இலவசமாக தரவிறக்கி நிறுவுவது பற்றி ஏற்கனவே ஒரு பதிவில் எழுதி இருந்தேன். தற்போது விண்டோஸ் 7 உபயோகித்து வருகிறேன். இதுவரை ஏதும் குறை சொல்லும்படி இல்லை.

விண்டோஸ் எக்ஸ்பி , விண்டோஸ் விஸ்டா போன்றவற்றிக்கு Tweak மென்பொருள்கள் நிறைய புழக்கத்தில் உள்ளன. விண்டோஸ் 7 க்கும் தற்போது எளிய Tweak மென்பொருள்கள் வெளியிடப்பட்டு வருகின்றன. அவற்றில் ஒன்று தான் EnhanceMySe7en.

இத்தனை உபயோகித்து விண்டோஸ் 7 இல் Registry Cleaning, Disk Defragmenter, Startup கையாளுதல் உள்ளிட்ட மேலும் பல வேலைகளை எளிதில் செய்யலாம்.

தோற்ற படங்கள் (Screen Shots)

இந்த மென்பொருள் பற்றி மேலும் அறிந்து கொள்ள இங்கே செல்லுங்கள். இந்த மென்பொருளுக்கான தரவிறக்க லிங்க்.

விண்டோஸ் விஸ்டா சர்வீஸ் பேக் 2 வெளியீடு

2009-05-26T07:06:00.000-07:00

மைக்ரோசாப்ட் இயங்குதளங்களில் (Operating System) விண்டோஸ் விஸ்டா குறிப்பிடத்தக்கது. பல பிரச்சினைகளுக்கு இடையில் வெளிவந்தது. மைக்ரோசாப்ட் தனது அடுத்த இயங்கு தள பதிப்பான விண்டோஸ் 7 விரைவில் வெளியிட போகிறது. இந்நேரத்தில் விண்டோஸ் விஸ்டாவை மேம்படுத்தும் நோக்கில் சர்வீஸ் பேக் 2 மைக்ரோசாப்ட் வெளியிட்டு உள்ளது.

சர்வீஸ் பேக்குகள் வெளியிடப்படும் போது அவற்றை நிறுவி உங்கள் இயங்குதளத்தை மேம்படுத்தி கொள்வது முக்கியமாகும். அது உங்கள் கணினிக்கு பாதுகாப்பையும் சிறந்த செயல்பாட்டையும் அளிக்கும்.

விண்டோஸ் விஸ்டா சர்வீஸ் பேக் 2 நீங்கள் கீழ் கண்ட முறைகளில் பெறலாம்.

EXE இன்ஸ்டாலர் பேக்கேஜாக விரும்புவோர் இந்த லின்க்கில் சென்று தரவிறக்கி உங்கள் கணினியில் நிறுவி கொள்ளுங்கள். கோப்பின் பெயர் : Windows6.0-KB948465-X86.exe . கோப்பின் அளவு : 348.3 MB

ISO இமேஜாக விரும்புவோர் இந்த லின்க்கில் சென்று தரவிறக்கி DVD யில் எழுதி பின்பு உங்கள் கணினியில் நிறுவி கொள்ளுங்கள். கோப்பின் பெயர் : 6002.18005.090410-1830_iso_update_sp_wave0-RTMSP2.0_DVD.iso . கோப்பின் அளவு : 1376.8 MB
முக்கியமாக இதை நீங்கள் நிறுவும் முன்பு உங்கள் விஸ்டாவில் சர்வீஸ் பேக் 1 நிறுவி இருக்க வேண்டும். விஸ்டா சர்வீஸ் பேக் 1 வேண்டுவோர் இந்தலின்க்கில் சென்று தரவிறக்கி உங்கள் கணினியில் நிறுவி கொண்டு பின்பு சர்வீஸ் பேக் 2 நிறுவி கொள்ளுங்கள். கோப்பின் பெயர் : Windows6.0-KB936330-X86-wave0.exe . கோப்பின் அளவு : 434.5 MB .

விண்டோஸ் விஸ்டா உபயோகிப்பாளர்கள் தவறாது செய்யவும்.

வேகமாக கோப்புகளை காப்பி செய்ய டெராகாப்பி

2009-05-25T13:36:00.000-07:00

பொறுத்தார் பூமியாள்வார் என்பார்கள். கணினியை பொறுத்தவரை நம் பொறுமையை சோதிக்கும் பல விஷயங்கள் நடக்கும். அதில் ஒன்று மிகப்பெரிய கோப்புகளையோ, போல்டெர்கலையோ காப்பி செய்யும் போது மிக குறைவான வேகம் மற்றும் பல இடையூறுகள்.

அதிக கோப்புகள் உள்ள பெரிய போல்டெர்களை காப்பி செய்யும் போது இடையில் ஏதாவது பிழை செய்தி தந்து விட்டு காப்பி செய்வது நின்று விடும். எந்த கோப்பு வரை காப்பி ஆனது எது காப்பி ஆகவில்லை என்ற குழப்பம் நேரிடும். மீண்டும் அந்த ஒட்டு மொத்த போல்டரயுமே காப்பி செய்ய வேண்டும். காப்பி செய்யும் போது நேரக்கூடிய மிக குறைவான வேகம் எரிச்சலை தரும்.

விண்டோஸ் இயங்குதளத்தில் இந்த பிரச்சினைக்கு தீர்வு தரும் விதம் ஒரு மென்பொருள் உள்ளது. TeraCopy - இங்கே கிளிக் செய்து இந்த மென்பொருளை தரவிறக்கி உங்கள் கணினியில் நிறுவி கொள்ளுங்கள். இனி நீங்கள் காப்பி செய்து பேஸ்ட் செய்யும் போது இந்த மென்பொருள் தானாக இயங்க ஆரம்பிக்கும்.

இந்த மென்பொருளின் சிறப்பம்சங்கள் :

1. துரிதமாக காப்பி வேலையை செய்து முடிக்கும்.

2. காப்பி செய்து கொண்டிருக்கும் போது அதனை "Pause" செய்து வைத்து கொண்டு பின்பு "Resume" செய்து காப்பி வேலையை தொடரலாம்.

3. காப்பி செய்து கொண்டு இருக்கும் போது , ஒரு குறிப்பிட்ட கோப்பு காப்பி செய்வதில் இடையூறு ஏற்பட்டால் அந்த கோப்பை விட்டு விட்டு மற்ற கோப்புகளை காப்பி செய்யும். ஒட்டு மொத்த காப்பி வேலையையும் தடை செய்து விடாது.

4. இடையூறு ஏற்பட்ட கோப்புகளின் பட்டியலை காண்பிக்கும். அந்த கோப்புகளை நீங்கள் சரி செய்து பின்பு காப்பி செய்து கொள்ளலாம்.

உபயோகித்து பாருங்கள். இந்த மென்பொருள் தேவை இல்லை என்றால் Start --> Programs --> Teracopy --> Uninstall Teracopy செய்து விட்டு பழைய காப்பி முறையை பெற்று கொள்ளுங்கள்.

RSS செய்தியோடையின் முக்கியத்துவம், மகத்துவம்

2009-05-25T08:06:00.000-07:00

இணையத்தில் கோடிக்கணக்கான இணையதளங்கள் குவிந்துள்ளன. நம்மை கவர்ந்த தளங்கள் நூற்றுகணக்கில் இருக்கும். அவற்றில் சில தளங்களை மட்டும் தான் நாம் தினசரி சென்று பார்வையிடுவோம். நம்மை கவர்ந்த அனைத்து தளங்களையும் தினசரி சென்று பார்வையிடுவது நேரமின்மையால் இயலாத காரியம். ஒவ்வொரு தளமாக நாம் சென்று பார்ப்பதும் நமது நேரத்தை விரயம் செய்யும். சில தளங்களுக்கு செல்லும் போது புதிய தகவல் / செய்தி இல்லை எனில் அது எரிச்சலை தரும்.

இது போன்ற சூழ்நிலையில் நாம் விரும்பும் அனைத்து தளங்களும் அவற்றின் புதிய செய்திகள் / தகவல்களை நம்மை தேடி அனுப்பி வைத்தால் எவ்வளவு எளிதாக இருக்கும்? அனைத்து புதிய செய்திகள் / தகவல்களையும் பெற பல தளங்களுக்கு அலையாமல் ஒரே இடத்தில் பெற முடிந்தால் எவ்வளவு வசதியாக இருக்கும்?

இப்படியொரு வசதிக்கு பெயர்தான் RSS (Really Simple Syndication) . தமிழில் செய்தி ஓடை என்று அழைக்கிறார்கள். புரிந்து கொள்ளுவதில் சிரமம் இருந்தால் இந்த வீடியோவை பாருங்கள். மிக அருமையாக விளக்கி இருக்கிறார்கள்.

பெரும்பாலான இணையதளங்கள் / பிளாக்குகள் இந்த வசதியை அளிக்கின்றன. இணைய தளங்களில் ஆரஞ்சு வண்ணத்தில் (பெரும்பாலும்) ஒரு ஐகானை நீங்கள் காணலாம். அதுதான் அந்த தளத்தின் RSS Feed க்கான லிங்க். இந்த RSS Feed மூலம் தகவல்களை அணுகுவதற்கு RSS Feed Reader தேவை. இதற்கு தேவையான Rss Feed Reader மென்பொருள்கள் FeedReader, FeedDemon போன்றவை இலவசமாக கிடைக்கின்றன. இது தவிர இணைய உலாவிகள் மூலமும் நீங்கள் Rss Feed -களை வாசித்து கொள்ள முடியும். ஆன்லைனில் Google Reader, FriendFeed, Bloglines போன்ற தளங்கள் Rss Feed களை வாசிக்க உதவுகின்றன.

இங்கு நாம் ஒரு சிறிய உதாரணத்தை பார்ப்போம். இலவச மென்பொருளான FeedDemon இந்த லின்க்கில் சென்று தரவிறக்கி கணினியில் நிறுவி கொள்ளுவோம்.

FeedDemon -ல் Rss Feed ஐ இணைக்க "Subscribe" கிளிக் செய்யுங்கள். இணைக்க விரும்பும் இணையதளத்தின் RSS Feed URL அல்லது அந்த இணையதளத்தின் URL கொடுத்து இணைத்து கொள்ளவும்.

ஒரு இணையதளத்தின் RSS Feed URL கண்டறிவது எப்படி?

பெரும்பாலும் ஆரஞ்சு வண்ணத்தில் சிறிய ஐகானாக கொடுத்து இருப்பார்கள். அல்லது RSS Feeds என்று தனியாக விளக்கமாக கொடுத்து இருப்பார்கள். அதை கிளிக் செய்தால் வருகிற URL தான் RSS Feed URL.

பெரும்பாலும் FeedDemon இணையதளத்தின் URL (உதா. http://tvs50.blogspot.com) கொடுத்தாலே அதன் RSS Feed URL ஐ தானாக கண்டறிந்து கொள்ளும்.

சில தளங்களின் RSS Feed URL களை காண்போம்.

பிரபல தளங்கள் :

தினமலர் - http://www.dinamalar.com/rssfeed.asp
தட்ஸ்தமிழ் - http://feedproxy.google.com/oneindia-thatstamil-all
விகடன் - http://feedproxy.google.com/vikatan/newss
தமிழிஷ் பிரபல இடுகைகள் - http://www.tamilish.com/rss ,
தமிழ்மணம் - http://www.tamilmanam.net/feed

சில பிளாக்குகள் :

பிகேபி - http://pkp.blogspot.com/feeds/posts/default
தமிழ்நெஞ்சம் - http://tamilnenjam.org/feeds/posts/default
தேன்தமிழ் - http://honey-tamil.blogspot.com/feeds/posts/default
தமிழ்ஹேக்ஸ் - http://tamilhackx.blogspot.com/feeds/posts/default
சூர்யா கண்ணன் - http://suryakannan.blogspot.com/feeds/posts/default

இந்த URL களை நீங்கள் இணைத்து கொள்ளலாம். எனது இந்த பிளாகின் RSS செய்தியோடையையும் http://feeds2.feedburner.com/tvs50 இணைத்து கொள்ளுங்கள் :)

இந்த செய்தி ஓடைகளில் (RSS Feed) சில முழு செய்திகளையும், சில செய்தி சுருக்கத்தையும் தரும். பெரும்பாலான பிளாக்குகள் முழு செய்தி/ தகவல்களை தருகின்றன. நீங்கள் அந்த பிளாக்குகளுக்கு செல்லாமலேயே அவற்றில் வரும் புதிய செய்திகளை நீங்கள் வாசித்து கொள்ள முடியும். செய்தி சுருக்கம் தரும் செய்தி ஓடைகள் (தினமலர், தட்ஸ்தமிழ் போன்றவை ) புதிய செய்திகளை பட்டியலிடும். நீங்க விரும்பும் செய்தியை தேர்வு செய்து அந்த தளத்திற்கு சென்று படித்து கொள்ளலாம்.

புதிய செய்திகள் / இடுகைகள் வரும் போது குறிப்பிட்ட கால அளவில் நமக்கு தெரியப்படுத்தி கொண்டு இருக்கும். RSS செய்தி ஓடையின் பயனை சுருங்க சொல்ல வேண்டும் எனில் இணையத்தளங்களின் செய்திகள் அனைத்தும் உங்களை தேடி வரும். வேண்டியவற்றை தேர்ந்தெடுத்து ஒரே இடத்தில் நீங்கள் படித்து கொள்ள முடியும்.

இதன் மூலம் உங்கள் நேரம் மிச்சம். வேகம் குறைவான இணையதளங்கள் / பிளாக்குகளில் அதிக நேரம் பொறுமை இழந்து காத்திருக்க தேவை இல்லை. இணையத்தளங்களின் அதிகப்படியான விளம்பரங்களில் இருந்து தப்பிக்கலாம். உங்கள் இணைய இணைப்பின் பேண்ட்வித் மிச்சமாகும். பிளாக்குகளை படிக்க திரட்டிகளில் தேடி அலைய வேண்டியதில்லை. நமக்கு விருப்பமான பிளாக்குகளை தொகுத்து எளிதாக வாசித்து கொள்ளலாம்.

நான் இங்கு FeedDemon பற்றி விளக்கி இருந்தாலும், நான் உபயோகிப்பது ஆன்லைன் RSS Feed Reader , கூகிள் நிறுவனத்தின் கூகிள் ரீடரைத்தான். அதைப்பற்றி விரிவாக அடுத்த பதிவில் எழுதுகிறேன்.

வீடியோக்களை வெட்ட இலவச வீடியோ கட்டர்

2009-05-24T15:16:00.000-07:00

முழுநீள வீடியோக்களின் குறிப்பிட்ட பகுதி நமக்கு தனியாக சில சமயம் தேவைப்படும். எடுத்துகாட்டாக ஒரு திரைப்பட வீடியோவில் இருந்து ஒரு பாடலோ அல்லது காமெடி காட்சியோ தேவைப்படலாம். அதனை வெட்டி எடுக்க மிகப்பெரிய மென்பொருள் எதனையும் தேடி அலைய தேவை இல்லை. 3MB அளவிலான ஒரு இலவச மென்பொருளே அந்த வேலையை சரியாக செய்கிறது.

Free Video Cutter. இந்த மென்பொருளை இந்த லிங்கில் சென்று தரவிறக்கி கணினியில் நிறுவி கொள்ளுங்கள். இந்த மென்பொருளில் எந்த வீடியோவையும் ஓபன் செய்து கொண்டு சிலைடர்கள் மூலம் தேவைப்படும் பகுதியின் ஆரம்ப நிலையையும், இறுதி நிலையையும் தேர்வு செய்து கொண்டு, Save Video மூலம் உங்களுக்கு தேவையான வீடியோ பகுதியை பெற்று கொள்ளுங்கள்.

இதன் மூலம் உங்கள் வீடியோவை MPEG4, DivX, MP3, FLV, WMV Format -களில் பெற முடியும். குறிப்பிட்ட வீடியோவில் உள்ள ஆடியோ பகுதியை மட்டும் பிரித்தெடுத்து MP3 யாக சேமித்து கொள்ள முடியும்.

மிகவும் சிறிய அளவிலான எளிய மென்பொருள். உங்கள் மென்பொருள் தொகுப்பில் வைத்து கொள்ளுங்கள். USB/DVD மூலம் வேண்டுமென்ற இடத்திற்கு எளிதில் எடுத்து சென்று எளிதாக உபயோகித்து கொள்ள முடியும்.

பாண்ட்விட்த் உபயோகத்தை கட்டுபாட்டுக்குள் வைக்க

2009-05-06T07:28:00.000-07:00

இந்தியாவில் வழங்கப்படும் பிராட்பேண்ட் திட்டங்கள் பெரும்பாலும் பாண்ட்விட்த் கட்டுப்பாடுடன் வருகின்றன. அதிக விலை கொடுத்தாலும் Unlimited திட்டங்கள் என்னை போன்ற இணைய விரும்பிகளுக்கு உபயோகமாக இருந்தாலும் பெரும்பாலானோர் பாண்ட்விட்த் கட்டுப்பாடுடன் உள்ள திட்டங்களை உபயோகபடுத்தி வருகின்றனர். அவர்களுக்கெல்லாம் தங்களுடைய பாண்ட்விட்த் உபயோகத்தை கணக்கிடுவதில் குழப்பங்கள் இருக்கலாம். பிராட்பேண்ட் வந்த புதிதில் அறியாமல் அளவுக்கு அதிகமாக பாண்ட்விட்த் உபயோகித்து உபரி கட்டணமாக ஏழாயிரம் கட்டிய அனுபவம் எனக்குண்டு.

Bitmeter என்ற இலவச மென்பொருள் கணினியில் இணைய பாண்ட்விட்த் உபயோகத்தை கணக்கிட உதவுகிறது. இதன் மூலம்

1. இணைய இணைப்பின் ஏற்ற (upload) / இறக்க (Download) வேகங்களை கணக்கிட முடியும்.

2. இணைய பாண்ட்விட்த் உபயோகிப்பினை மணி, நாள், மாத அளவில் கணக்கிட்டு கொள்ள முடியும்.

3. பாண்ட்விட்த் கட்டுப்பாடு உள்ளவர்கள் பாண்ட்விட்த் உபயோகம் குறிப்பிட்ட அளவை மீறும் போது அலெர்ட் செய்தி தரும்படி அமைத்து கொள்ளலாம். உதாரணத்திற்கு மாதாந்திர பாண்ட்விட்த் கட்டுப்பாடு அளவு 20 GB என்றால் அதில் 90% உபயோகத்தை மீறும் போது அலெர்ட் தரும்படி அமைத்து கொள்ளலாம்.

மேலும் பல வசதிகள் உள்ளன. விபரங்கள் அறிய இந்த பக்கத்தை http://codebox.no-ip.net/controller?page=bitmeter2 பார்க்கவும். தரவிறக்க இந்த லிங்க்கிற்கு செல்லவும்.

இந்த மென்பொருள் இலவசம். இதன் மூலம் உங்கள் பாண்ட்விட்த் உபயோகத்தை உரிய முறையில் திட்டமிட்டு கட்டுபாட்டுக்குள் வைத்து கொள்ள முடியும்.

மைக்ரோசாப்ட் விண்டோஸ் 7 RC இலவச தரவிறக்கம்

2009-05-05T05:37:00.000-07:00

மைக்ரோசாப்ட் இயங்குதளங்களில் புதிய வரவாக வரவுள்ளது விண்டோஸ் 7 . விண்டோஸ் இயங்குதளங்களில் இது முக்கியமானதாக திகழும் என்று கணிக்கப்படுகிறது. விண்டோஸ் 7 இறுதி வெளியீடுக்கு முன்னதாக Release Candidate பதிப்பை இன்று மைக்ரோசாப்ட் இன்று வெளியிட்டது. விண்டோஸ் 7 RC ஆங்கிலம், ஸ்பானிஷ், பிரெஞ்சு, ஜேர்மன் மற்றும் ஜப்பானீஸ் மொழிகளில் வருகிறது.

இந்த பதிப்பை தரவிறக்க விரும்பினால் இந்த லிங்க்கிற்கு சென்று உங்கள் விண்டோஸ் லைவ் கணக்கை உபயோகித்து தரவிறக்கவும்.

அல்லது நீங்கள் நேரடியாக விண்டோஸ் 7 RC தரவிறக்க விரும்பினால் கீழ்காணும் லிங்க்கை காப்பி செய்து உங்கள் இணைய உலாவியின் முகவரி பகுதியில் பேஸ்ட் செய்யவும். Download Manager உங்கள் இணைய உலாவியில் திறந்து விண்டோஸ் 7 தரவிறக்கம் ஆகும்.

Download Manager இன்றி நேரடியாக ISO கோப்பு தேவை என்றால் கீழ் காணும் லிங்க்கை காப்பி செய்து உங்கள் இணைய உலாவியின் முகவரி பகுதியில் பேஸ்ட் செய்யவும். ISO கோப்பு தரவிறக்கம் ஆகும்.

கோப்பின் பெயர் : 7100.0.090421-1700_x86fre_client_en-us_retail_ultimate-grc1culfrer_en_dvd.iso
கோப்பின் அளவு : 2.35 GB

தரவிரக்கியவுடன் அந்த கோப்பை DVD -யில் ஏற்றி (Write to DVD) விண்டோஸ் 7 RC கணினியில் நிறுவலாம்.
Activation Product Key கேட்டால் கீழ்கண்டவற்றில் ஒன்றை உபயோகியுங்கள்.

MM7DF-G8XWM-J2VRG-4M3C4-GR27X
KGMPT-GQ6XF-DM3VM-HW6PR-DX9G8
MVBCQ-B3VPW-CT369-VM9TB-YFGBP
KBHBX-GP9P3-KH4H4-HKJP4-9VYKQ
BCGX7-P3XWP-PPPCV-Q2H7C-FCGFR
RGQ3V-MCMTC-6HP8R-98CDK-VP3FM
Q3VMJ-TMJ3M-99RF9-CVPJ3-Q7VF3
6JQ32-Y9CGY-3Y986-HDQKT-BPFPG
P72QK-2Y3B8-YDHDV-29DQB-QKWWM
6F4BB-YCB3T-WK763-3P6YJ-BVH24
9JBBV-7Q7P7-CTDB7-KYBKG-X8HHC
C43GM-DWWV8-V6MGY-G834Y-Y8QH3
GPRG6-H3WBB-WJK6G-XX2C7-QGWQ9
MT39G-9HYXX-J3V3Q-RPXJB-RQ6D7
MVYTY-QP8R7-6G6WG-87MGT-CRH2P

இந்த விண்டோஸ் 7 RC பதிப்பை நீங்கள் ஜூன் 1, 2010 வரை இலவசமாக உபயோகித்து கொள்ளலாம். அதன் பின்பு காலாவதி ஆகி விடும். காலாவதி ஆவதற்கு இரண்டு வாரங்கள் முன்பு அதன் அறிகுறியாக கணினி இரண்டு மணி நேரத்திற்கு ஒரு முறை தானாக shut down ஆகும். அதன் பின்பு நீங்கள் புதிய விண்டோஸ் 7 ஒரிஜினல் வாங்க வேண்டும். அல்லது உங்களது பழைய விண்டோஸ் எக்ஸ்பி அல்லது விஸ்டா நிறுவி உபயோகித்து கொள்ளலாம்.

புதிய பாண்டா க்ளவுட் ஆண்டிவைரஸ் இலவசம்

2009-04-30T04:47:00.000-07:00

உன்னதமான பல ஆண்டி வைரஸ் மென்பொருள்கள் இருந்தாலும், பலருடைய புகார் இதுவாகத்தான் இருக்கும்.

"ஆண்டி வைரஸ் போட்டதற்கு பிறகு சிஸ்டம் ஸ்லோ ஆகிருச்சி"

உணமைதான். ஆண்டிவைரஸ் மென்பொருள்கள் குறிப்பிடத்தகுந்த அளவு மெமரியையும், CPU உபயோகத்தையும் எடுத்து கொள்ளுகின்றன. அதனால் தான் ஆண்டிவைரஸ் நிறுவிய பிறகு கணினியில் வேகத்தின் வேறுபாடை உணருவீர்கள்.

இதனை கருத்தில் கொண்டு பாண்டா நிறுவனம் "பாண்டா க்ளவுட் ஆண்டிவைரஸ்" எனும் புதிய வைரஸ் எதிர்ப்பான் மென்பொருளை அறிமுகப்படுத்தி உள்ளது. இந்த மென்பொருளை கணினியில் நிறுவினால் அது உங்கள் கணினியை பாண்டா நிறுவனத்தில் செர்வருடன் இணைத்து விடும். வைரசுக்கு எதிரான Scanning, Monitoring போன்ற வேலைகளை பாண்டா நிறுவனத்தில் ஸெர்வரெ கவனித்து கொள்ளும். உங்கள் கணினியின் வேலைப்பளு குறையும். இது மற்ற ஆண்டிவைரஸ்களோடு ஒப்பிடும் போது கணினியில் மெமரி, CPU ஆக்ரமிப்புகள் சராசரியாக 50% குறைவாகவே இருக்கும்.

உங்கள் கணினியின் இணைய இணைப்பு நிலையானதாக இருந்தால் மட்டுமே இதனை உபயோக படுத்துங்கள். இணைய இணைப்பு இல்லாவிட்டாலும் Cache- ல் உள்ள ஆண்டிவைரஸ் கணினியை பாதுகாக்கும் என்று பாண்டா நிறுவனத்தினர் உறுதி அளிக்கிறார்கள். அனால் அது மற்ற நிரந்தரமாக கணினியில் நிறுவுகிற ஆண்டிவைரஸ் மென்பொருள் போன்று நிலையான பாதுகாப்பாக இருக்குமா? என்று தெரியவில்லை.

இந்த ஆண்டிவைரஸ் மென்பொருள் இலவசமாக கிடைக்கிறது. இந்த லின்க்கில் சென்று இலவசமாக பெற்று கொள்ளுங்கள்.

ஆண்டிவைரஸ் துறையில் இது புதிய தொழில்நுட்பம் என்று அறிவித்துள்ளார்கள். பாண்டா நிறுவனத்தை தொடர்ந்து பல ஆண்டிவைரஸ் நிறுவனங்களும் இது போன்ற தொகுப்புகளை வெளியிடலாம்.